1400 വർഷത്തെ പഴക്കം, ചരിത്രത്തിനു മങ്ങലേൽക്കാതെ വേമഞ്ചേരി മന ,,,!!

വേമഞ്ചേരി മന, കേരളത്തിന്റെ സാംസ്കാരിക പൈതൃകം പേറി നിലനിൽക്കുന്ന അപൂർവം നമ്പൂതിരി ഇല്ലങ്ങളിൽ ഒന്ന്. പറയിപെറ്റ പന്തിരുകുലത്തിലെ നട്ടെല്ല് എന്ന് വിശേഷിപ്പിക്കാവുന്ന മേഴത്തോൾ അഗ്നിഹോത്രിയുടെ ഇല്ലമെന്നാണ് പാലക്കാട് തൃത്താലയിലുള്ള ഈ ഇല്ലത്തെ വിശേഷിപ്പിക്കുന്നത്. കേരളത്തിലെ ഏറ്റവും പഴക്കം ചെന്ന ഇല്ലങ്ങളിൽ ഒന്നാണ് വേമഞ്ചേരി മന. 2012 ൽ നടന്ന കാർബൺ ഡേറ്റിങ് പഠന പ്രകാരമാണ് ഇല്ലത്തിനു 1400 വർഷത്തെ പഴക്കം ഉണ്ടെന്ന് മനസിലാക്കിയത്.

ഇല്ലത്തിന്റെ പണിക്കായി ഉപയോഗിച്ച മരങ്ങളാണ് കാർബൺ ഡേറ്റിങ് നടത്തുന്നതിന് ഉപയോഗിച്ചത്.5000 വർഷം പഴക്കമുള്ള വസ്തുക്കൾ വരെ ഇത്തരത്തിൽ കണ്ടെത്തിയിട്ടുണ്ട്. 2012 ൽ വേമഞ്ചേരി മന ഇത്തരത്തിൽ ശ്രദ്ധിക്കപ്പെട്ടതിനു ശേഷം മന ഏറെ ശ്രദ്ധിച്ചു പരിപാലിക്കപ്പെട്ടു വരുന്നു. പറയിപെറ്റ പന്തിരുകുലത്തിലെ സാഹോദര്യം വിളിച്ചോതുന്ന നിരവധിക്കഥകൾ ഈ ഇല്ലവുമായി ബന്ധപ്പെട്ടു കിടക്കുന്നു.

അച്ഛനായ വരരുചിയുടെ ശ്രാദ്ധത്തിന് ഭീഷ്മാഷ്ട്ടമി നാളില്‍ പന്തിരുകുലത്തിലെ 12 സഹോദരന്മാരും ഒത്തുകൂടിയിരുന്നത് ഈ മനയില്‍ ആയിരുന്നു. പൗരാണികമായ  വാസ്തു വിദ്യയും, തച്ചു ശാസ്ത്രവും സമന്വയിക്കുന്ന ഏറെ വിശിഷ്ടമായ നാലുകെട്ട് ആണിത്. ഇവിടുത്തെ കൗതുകമുണർത്തുന്ന മരപ്പണികളിൽ 90 ശതമാനവും ഉളിച്ചെത്ത് ആണ്. മാത്രമല്ല, ഇല്ലത്തിന്റെ ഓരോ കോണിലും വിശിഷ്ടങ്ങളായ ഓരോ ദേവപ്രതിഷ്ഠകളും ഉണ്ട്. 

ശാസ്ത്രപ്രകാരം ഇല്ലത്തിന്റെ പടിഞ്ഞാട്ടിയില്‍ ഭഗവതിയും, നടുമുറ്റത്ത് ദുര്‍ഗാ ദേവിയും ഒപ്പം  ഭദ്രകാളി,കൃഷ്ണകാളി എന്നിവരുടെ സങ്കല്‍പ്പ പ്രതിഷ്ഠകളുമാണ് ഉള്ളത്. കേരളത്തിലെ ഏറ്റവും പഴക്കം ചെന്ന ബ്രാഹ്മണഗൃഹം എന്ന ബഹുമതിയും ഈ മനയ്ക്കു സ്വന്തം. ഈ കാലഘട്ടത്തിൽ പണിയപ്പെട്ട മറ്റു ബ്രാഹ്മണഗൃഹങ്ങളിൽ നിന്നും വ്യത്യസ്തമാണ് .

വേമഞ്ചേരി മനയുടെ നിർമ്മാണം പ്രധാനമായും വ്യത്യസപ്പെട്ടിരിക്കുന്നത് വാസ്തു വിദ്യയുടെ കാര്യത്തിൽ തന്നെയാണ്. കേരളീയ വാസ്തു വിദ്യയിൽ നിന്നും വ്യത്യസ്തമായ രീതി കൈക്കൊണ്ടാണ് വേമഞ്ചേരിമനയുടെ നിർമ്മാണം നടത്തിയിരിക്കുന്നത്. ഇല്ലത്തിന്റെ ഭാഗമായ യജ്ഞശാല പ്രത്യേക കരവിരുതോടെയാണ് പണിതിരിക്കുന്നത്. ഉളികൊണ്ട് ചെയ്തിരിക്കുന്ന ഈ ഭാഗത്തിന്റെ നിർമ്മാണം ആശാരിമാർ ചിന്തേരിടുന്ന വിദ്യ കണ്ടെത്തും മുൻപാണ് ചെയ്തിരിക്കുന്നത് എന്നതാണ് ശ്രദ്ധേയം.

മിനുക്കിയ മോന്തായം, ഓട് പാകിയ മേൽക്കൂര, വിശാലമായ അകത്തളങ്ങൾ, ഏറെ വായു സഞ്ചാരമുള്ള കിടപ്പുമുറികൾ, വെട്ടിയൊതുക്കിയ കൽപ്പടവുകൾ എന്നിവ ഇല്ലത്തിന്റെ പ്രത്യേകതയാണ്. പഴമ ഒട്ടും നഷ്ടപ്പെടാതെയാണ് ഇന്നും ഇവയെല്ലാം സംരക്ഷിക്കപ്പെടുന്നത് എന്നത് ഏറെ ശ്രദ്ധേയം.  പൈതൃക പട്ടികയിൽ ഉൾപ്പെടുത്തി സംരക്ഷിക്കപ്പെടേണ്ട ഈ ഇല്ലം എന്നും കേരളത്തിന്റെ കഴിഞ്ഞകാല ഓർമകൾക്ക് ഒരു മുതൽക്കൂട്ടാണ്.

ഭാരതത്തിലെ അജന്ത എല്ലോറ - കൈലാസനാഥ ക്ഷേത്രം നിര്മ്മാണം

എല്ലോറ ഗുഹ അതിലെ കൈലാസനാഥ ക്ഷേത്രം നിര്മ്മാണം അത്ഭുതപ്പെടുത്തുന്നതു ആണ് ... കുറചു വിവരങ്ങൾ കൂടി..

ഒരു വലിയ കരിങ്കല്ലിന്റെ പാറ തന്നു അതിന്റെ ഉൾവശത്തെ കല്ല് മുഴുവനും തുരന്നു കളഞ്ഞു നാലുവശത്തും ചുമരുകൾ മാത്രം ബാക്കി വച്ച് അതിനെ ഒരു മുറിയാക്കി മാറ്റാൻ പറഞ്ഞാൽ ചെയ്യാൻ പറ്റുമോ?. ഇല്ല അല്ലെ. എങ്കിൽ കേള്കുക അങ്ങിനെ ഒരു മലയെ തന്നെ ഒരു ക്ഷേത്ര സമുചയമാക്കി മാറ്റിയ കഥ പറയാനുണ്ട് ഭാരതത്തിലെ അജന്ത എല്ലോറ ക്ഷേത്ര സമുച്ചയങ്ങല്ക്. മഹാരാഷ്ട്രയിലെ ഔരങ്ങബാദിനദുതു സ്ഥിതി ചെയ്യുന്ന എല്ലോറ ക്ഷേത്ര സമുച്ചയം അട്ബുധങ്ങളുടെ പറുദീസയാണ്. ഒരു പക്ഷെ ലോകത്തിലെ 7 മഹാട്ബുധങ്ങളും ചേർത്ത് വച്ചാലും ഇവിടെയുള്ള കൈലാസനാഥ ക്ഷേത്രത്തിന്റെ നിർമിതിയുടെ 7 അയലത് പോലും വരില്ല എന്നതാണ് സത്യം. കൈലാസനാഥ ക്ഷേത്രം നിര്മിചിരിക്കുന ്നത് കല്ലുകളോ മട്ടൊ ചെര്തുവച്ചല്ല മറിച്ച് ഒരു വലിയ കരിങ്കല്ലിന്റെ മല അങ്ങിനെ തന്നെ ക്ഷേത്രമാക്കി മാറ്റുകയായിരുന്നു. ചരിത്രകാരന്മാർ പറയുന്നത് ഒരു വലിയ മലയെ മുകളിൽ നിന്നും തുരന്നു താഴേക്ക് വന്നു കൊണ്ട് ക്ഷേത്രം നിര്മിക്കുകയായിരുന്നു എന്നാണ്. അവിടെയുള്ള ഒരു തൂണിനു മാത്രം ഉയരം 100 അടിയുണ്ട്. ചരിത്രകാരന്മാര്കും പുരാവസ്തു ശാസ്ത്രന്ജ്ഞാന്മാര്കും ഇന്നും ഉത്തരം

കിട്ടാത്ത ഒരു കാര്യമാണ് എങ്ങിനെ അതിനുള്ളിൽ നിന്നും ഇത്രയധികം കല്ല് തുരന്നു പുറത്തേക്കു കൊണ്ട് പോയി എന്നത്. പുരാവസ്തു ശാസ്ത്രന്ജ്ഞാന് മാര് പറയുന്നത് ഏകദേശം 400000 ടണ് പാറ എങ്കിലും അതിനുള്ളിൽ നി ന്നും തുരന്നു മാറ്റിയിട്ടുണ്ടാകും എന്നാണ്. ആള്കാരെ വച്ച് തുരന്നു മാറ്റിയാൽ ആയിരക്കണക്കിന് വർഷത്തെ പരിശ്രമം വേണ്ടിവരും. പക്ഷെ ചരിത്രം പരിശോധിച്ച ചരിത്രകാരന്മാർ പറയുന്നത് ഇത് നിര്മിക്കാൻ കേവലം 20 വർഷത്തിൽ താഴെയേ എടുത്തിട്ടുള്ളൂ എന്നാണ്. അങ്ങനെയെങ്കിൽ 1 മണിക്കുറിൽ 5 ടണ് പാറ എങ്കിലും തുരന്നു മാടണം. ഇന്നത്തെ advanced ആയ എല്ലാ മെഷിനും കൊണ്ട് വന്നാലും മണിക്കുറിൽ അര ടണ് പോലും തുരന്നു മാറ്റാൻ പറ്റില്ല എന്ന് ആധുനിക ശാസ്ത്രഞ്ജരും സമ്മതിക്കുന്നു.

ഇതിനൊക്കെ പുറമെയാണ് ചുമരുകളിലും തുനിലുമുല്ല കൊത്തുപണികൾ. ഇതുപോലൊന്ന് നിർമിക്കാൻ പോയിട്ട് ഇത് ഒന്ന് തകർക്കാൻ പറ്റുമോ നോക്കുക. 1682 ഇൽ ഔരങ്കസെബ് എന്ന മുഗൾ രാജാവ് ഇത് മുഴുവനും തകർത്തു കളയാൻ ഉത്തരവിട്ടു.

1000 ആൾകാർ 3 വർഷം നിരന്തരം പരിശ്രമിച്ചിട്ടും കൊതുപനികൾ അല്പം തകര്കാൻ പറ്റി എന്നല്ലാതെ വേറൊന്നും കഴിഞ്ഞില്ല അവസാനം ഔരങ്കസെബ് ആ ഉദ്യമം ഉപേക്ഷിക്കുക ആയിരുന്നു. എല്ലോരയിലുള്ള 34 ക്ഷേത്രങ്ങളിൽ കൈലാസനാഥ ക്ഷേത്രം മാത്രമേ ആകാശത്ത് നിന്നും നോക്കിയാൽ കാണുകയുള്ളൂ. മാത്രമല്ല ആകാശത്ത്  നിന്നും നോക്കുമ്പോൾ അതിനുമുകളിൽ കൊത്തിവച്ചിട്ടുള്ള 4 സിംഹരൂപങ്ങൾ x രൂപത്തിൽ ആണ് കാണുന്നത് . ഇതും എന്തിനു ഇങ്ങനെ വച്ചു എന്നതും ദുരൂഹം  തന്നെ. ഏതു technology ഉപയോഗിച്ചാണ് അവർ ഈ ക്ഷേത്രങ്ങൾ പണിതത് എന്നത് ഇന്നും ദുരൂഹമായ കാര്യമാണ്. ലോകത്തിൽ റോക്ക് കട്ടിംഗ് പല സ്ഥലത്തും കണ്ടെത്തിയിട്ടു ണ്ട് പക്ഷെ ഒരു മലയെതന്നെ മുകളിൽ നിന്നും തുടങ്ങി  തൂണുകളും ബാല്കനിയും അനേകം മുറികളും ഒക്കെ ഉള്ള ഒരു ക്ഷേത്രമാക്കി മാറ്റിയ ഒരേ ഒരു സ്ഥലം എല്ലോറ മാത്രമാണ് ചരിത്രകാരന്മാര്കും ആധുനിക ശാസ്ത്രജ്ഞാന്മാര്കും ഇന്നും പിടി കൊടുകാതെ ദുരുഹമായി ഇന്നും അതിന്റെ നിര്മാണ രഹസ്യം നിലനില്കുന്നു. ഓരോരുത്തരും തീർച്ചയായും കണ്ടിരിയ്ക്കേണ്ട സ്ഥലമാണ് എല്ലോറ ഗുഹകൾ !

Credit : rahul , charithranweshikal

വിശ്വകർമ്മജനായ ജിവണ്ണ മസ്ലി എഴുതിയ "മഹാമനു" എന്ന പുസ്തകത്തില പറയുന്നു.

1) കദളീ ഗർഭ വിദ്യ : വിശ്വകർമ്മജർ ഈ രഹസ്യ വിദ്യ ഉപയോഗിച്ച് ശിലകൾ മാർദവ പെടുത്തിയിരുന്നു. ഈ രഹസ്യ വിദ്യ ഉപയോഗിച്ച് എത്ര കട്ടിയുള്ള ശിലകൾ പോലും മെഴുകു ഉരുക്കും പോലെ ഉരുക്കി എടുത്തിരുന്നു. ആവിശ്യമുള്ളത്ര നീളത്തിലും വീതിയിലും ശിലകൾ പൊട്ടാതെയും പോടിയാതെയും മുറിച്ചു എടുക്കുന്നതിനു കദളീ ഗർഭ വിദ്യ സഹായകരം ആയിരുന്നു.

2) പർണ്ണ ലഘു വിദ്യ: ശിലകൾ മാർദവപെടുത്താൻ ഉപയോഗിച്ചിരുന്ന മറ്റൊരു രഹസ്യ വിദ്യ ആണ് പർണ്ണ ലഘു വിദ്യ. രാജാകൊട്ടരതിലെയോ ക്ഷേത്ര സമുച്ചയതിലെയോ അനവധി കൊത്തുപണികൾ ഉള്ള പട്കൂറ്റൻ ശിലാപളികൾക്ക്, നേരിയ തോതിലുള്ള കേടുപോലും വിധിപ്രകാരം ഉണ്ടാകുവാൻ പാടില്ല. കല്ല്‌ പൊടിയുകയോ പൊട്ടുകയോ ചെയ്‌താൽ ആ ശില പൂർണമായും മാറ്റെണ്ടതായി വരും. ഇതു ഒഴിവാക്കാൻ, ഈ രഹസ്യ വിദ്യ വിശ്വകർമ്മജന് ഒരു അനുഗ്രഹം ആയിരുന്നു.

ഔഷധ രഹസ്യ കൂട്ട് : കദളീ ക്ഷാരം മോരിൽ കലർത്തിയ മിശ്രിതത്തിൽ മറ്റു ഔഷധ സ്യങ്ങളുടെ സ്വരസവും ചേർക്കുന്നു. ഈ മിശ്രിതത്തിൽ ഉളികളും വാളുകളും ഒരു ദിവസം പൂർണമായും മുക്കിവെക്കുന്നു. ഈ ആയുധങ്ങൾ ശിലകളെ സ്പർശിച്ചാൽ വെണ്ണ മുറിയും പോലെ ശില മുറിയും എന്ന് ഫലശ്രുതി. ഇങ്ങനെയുള്ള രഹസ്യ ഔഷധ യോഗങ്ങൾ ശിലയിൽ തേച്ചു പിടിപ്പിച്ചു ശിലക്ക് മാർദവം വരുത്തി കൊത് പണികൾ ചെയ്തശേഷം മറ്റു ഔഷധയോഗം കൊണ്ട് ഉരുക്ക് തോക്കുന്ന കാഠിന്യം വരുത്തിയിരുന്നു.

credit: prashob km

പത്മനാഭപുരം കൊട്ടാരം !!

186 ഏക്കറിൽ, ആറര ഏക്കര്‍ സ്ഥലത്ത് നിലകൊള്ളുന്ന ഈ കൊട്ടാരം സമുച്ചയം കന്യാകുമാരി ജില്ലയിലെ തക്കല‌-കുലശേഖരം റോഡില്‍ ഒന്നര കിലോമീറ്റര്‍ ദൂരത്തായ് സ്ഥിതി ചെയ്യുന്നു. തമിഴ്നാട്ടിലാണ് സ്ഥിതിചെയ്യുന്നതെങ്കിലും ഈ കൊട്ടാരത്തിന്റെ സംരക്ഷണാധികാരം കേരള സംസ്ഥാന പുരാവസ്തു വകുപ്പിനാണ്. തമിഴ്നാട്ടില്‍ നിലനില്‍ക്കുന്ന കേരള സംസ്കാരത്തിന്റെ ഏറെ അമൂല്യമായ ചരിത്രാവശിഷ്ടമാണിത്.

കേരളീയ ശില്പകലയുടെ ഒരു അത്യുത്തമ മാതൃകയായി നിലകൊള്ളുന്ന ഈ കൊട്ടാരം, തിരുവിതാംകൂര്‍ ഭരിച്ച ഇരവി വര്‍മ്മ കുലശേഖരപെരുമാളാണ് എ.ഡി. 1601-ല്‍ കൊട്ടാരനിര്‍മ്മാണത്തിനു തുടക്കമിട്ടത്. 1741 -ല്‍ കുളച്ചല്‍ യുദ്ധത്തിനു ശേഷം മാര്‍ത്താണ്ഡവര്‍മ കൊട്ടാരം പുതുക്കി പണിതു.

പത്മനാഭപുരം കൊട്ടാര സമുച്ചയത്തിനുള്ളില്‍ അനവധി അനുബന്ധമന്ദിരങ്ങള്‍ സ്ഥിതിചെയ്യുന്നുണ്ട്. ഇവ വിവിധ കാലങ്ങളിലായി വിവിധ ആവശ്യങ്ങള്‍ക്ക് വേണ്ടി രാജാക്കന്മാര്‍ പണികഴിപ്പിച്ചതാണ്. നടമാളിക, ഉപ്പിരിക്കമാളിക, ആയുധശാല, തെക്കെ തെരുവു മാളിക, പന്തടിക്കളം മാളിക, അമ്പാരി മുഖപ്പ്, ചന്ദ്രവിലാസം, ഇന്ദ്രവിലാസം, ചമയപ്പുര, നവരാത്രി മണ്ഡപം, കൊച്ചുമടപ്പള്ളി, കമ്മട്ടം, തേവാരക്കെട്ടു ദേവസ്വം, ആലമ്പാറ ദേവസ്വം, തെക്കേ കൊട്ടാരം എന്നിവ പ്രധാന അനുബന്ധ മന്ദിരങ്ങളാണ്.

ദാരുശില്‍പ്പകലാവൈഭവത്തില്‍ മുന്നിട്ടു നില്‍ക്കുന്നവയാണ് ഇവിടത്തെ ഓരോ മുക്കും മൂലയും. മനോഹരമായി കൊത്തുപണികള്‍ കൊണ്ടുണ്ടാക്കിയ വ്യത്യസ്തങ്ങ

ളായ കാഴ്ചകൾ ഏവരേയും വിസ്മയിപ്പിക്കുന്നു.

മൊബൈല്‍ ഫോണ്‍ നഷ്ടപെട്ടാല്‍ തീര്‍ച്ചയായും ചെയ്യേണ്ട കാര്യങ്ങള്‍ ?

മൊബൈല്‍ ഫോണ്‍ നഷ്ടപെട്ടാല്‍ തീര്‍ച്ചയായും ചെയ്യേണ്ട കാര്യങ്ങള്‍

നിങ്ങളുടെ ഫോണ്‍ നഷ്ടപെട്ടാല്‍ അത് പല രീതിയല്‍ ദുരുപയോകം ചെയ്യാം. അത് കൊണ്ട് നിങ്ങള്‍ തീര്‍ച്ചയായും താഴെ കൊടുത്തിരിക്കുന്ന നടപടികള്‍ സ്വീകരിച്ചിരിക്കണം.

1) ഫോണ്‍ നഷ്ടപെട്ടാല്‍ ആദ്യം ചെയ്യേണ്ടത്, നഷ്ടപെട്ട ഫോണില്‍ ഏതു സിം ആണോ ഉപയോഗിക്കുന്നത് ആ സിം ബ്ലോക്ക്‌ ചെയ്യുകയാണ് വേണ്ടത്. അതിനായി സിം സേവന ദാതാവിന്റെ കസ്റ്റമര്‍ കെയറില്‍ വിളിച്ച് സിം ബ്ലോക്ക്‌ ചെയ്യാനുള്ള നടപടികള്‍ എടുക്കാന്‍ നിര്‍ദേശിക്കുക. അങ്ങനെ ആ സിം വഴി കാള്‍ ചെയ്യുന്നത് തടയാം.

2) പോലീസ് സ്റ്റേഷനില്‍ പരാതി നല്‍കുക. എഫ്.ഐ.ആര്‍ന്റെയും, തിരിച്ചറിയല്‍ കാര്‍ഡിന്റെയും പകര്‍പ്പുകള്‍ സഹിതം സിം സേവന ദാതാവിന്റെ സര്‍വീസ് സെന്ററില്‍ ഡ്യൂപ്ലിക്കേറ്റ്‌ സിം കാര്‍ഡിനായുള്ള അപേക്ഷ നല്‍കുക.

3) നിങ്ങള്‍ക്ക് നഷപെട്ട ഫോണിന്റെ IMEI നമ്പര്‍ അറിയാമെങ്കില്‍, IMEI നമ്പര്‍ ട്രാക്ക് ചെയ്ത് ഫോണ്‍ കണ്ടുപിടിക്കുന്ന സേവനം വഴി നഷ്ട്ടപെട്ട ഫോണ്‍ കണ്ടുപിടിക്കാം. അതുകൊണ്ട് നിങ്ങള്‍ക്ക് ഒരു ഫോണ്‍ ഉണ്ടെങ്കില്‍ അതിന്റെ IMEI നമ്പര്‍ വേറെ എവിടെയെങ്കിലും സേവ് ചെയ്ത് വെക്കണം.

4) നിങ്ങള്‍ ഫോണില്‍ ഫെയ്സ്ബുക്ക്, ജിമെയില്‍, ട്വിറ്റെര്‍ തുടങ്ങിയ അക്കൗണ്ടുകളില്‍ ലോഗിന്‍ ചെയ്തിട്ടുണ്ടെങ്കില്‍, ഒരു കമ്പ്യൂട്ടര്‍ വഴി ഈ അക്കൗണ്ടുകളില്‍ ലോഗിന്‍ ചെയ്ത് ഫോണിലെ ലോഗിന്‍ സെഷന്‍ ലോഗ് ഔട്ട്‌ ചെയ്യുക. കൂടാതെ ഫോണില്‍ ലോഗിന്‍ ചെയ്ത് വെച്ചിട്ടുള്ള എല്ലാ അക്കൗണ്ടുകളുടെയും പാസ്സ്‌വേര്‍ഡ്‌ മാറ്റുക

വെബ്ബില്‍ നിന്നും നിങ്ങളുടെ ഗൂഗിള്‍ ഡ്രൈവ് അല്ലെങ്കില്‍ ഡ്രോപ്പ്ബോക്സ് അക്കൗണ്ടിലേക്ക് നേരിട്ട് ഫയല്‍ ഡൌണ്‍ലോഡ് ചെയ്യാം.

പാലക്കാട് - Palakkad District For more tourism information ?

പാലക്കാട്

*************

കേരളത്തിന്റെ വടക്കെ അറ്റത്തു നിന്നും 

ആറാമതായി സ്ഥിതി ചെയ്യുന്ന ജില്ലയാണ്പാലക്കാട്

കേരളത്തിലെ ഏറ്റവും വലിയ ജില്ലയാണ് പാലക്കാട്‌. ആസ്ഥാനം പാലക്കാട് നഗരം. 2006 ലാണ് പാലക്കാടിന്‌ ഏറ്റവും വലിയ ജില്ല എന്ന പദവി ലഭിച്ചത്‌. അതിനു മുൻപ് ഇടുക്കി ജില്ല ആയിരുന്നു കേരളത്തിലെ ഏറ്റവും വലിയ ജില്ല. ഇടുക്കി ജില്ലയിലെ കുട്ടമ്പുഴ പഞ്ചായത്ത് എറണാകുളം ജില്ലയോട് ചേർത്തതോടെയാണ്‌ ഇടുക്കി ജില്ലയ്ക് ഒന്നാം സ്ഥാനം നഷ്ടപെട്ടത്.

തെക്ക് തൃശ്ശൂർ, വടക്ക് മലപ്പുറം, കിഴക്ക് തമിഴ്‌നാട്ടിലെ കോയമ്പത്തൂർ ജില്ല എന്നിവയാണ് സമീപ ജില്ലകൾ. ഭാരതപ്പുഴയാണ്‌ പ്രധാന നദി. പശ്ചിമ ഘട്ടത്തിലെ ഏറ്റവും വലിയ കവാടം പാലക്കാട് ജില്ലയിലെ വാളയാർ ചുരമാണ്. ഈ ചുരത്തിന്റെ സാന്നിധ്യം മൂലം കേരളത്തിലെ ഇതര ജില്ലകളിൽ നിന്നു വ്യത്യസ്തമായി ഇവിടെ തമിഴ്‌നാട്ടിലേതുപോലെ വരണ്ട കാലാവസ്ഥയാണ്. കേരളപ്പിറവിക്കു മുൻ‌പ് ഈ ജില്ല മദിരാശി പ്രസിഡൻ‌സിയുടെ ഭാഗമായിരുന്നു.

കേരളത്തിലെ പാലക്കാട് ജില്ലയുടെ ആസ്ഥാനമായ പ്രദേശമാണ്‌ പാലക്കാട്. കേരളത്തെയും തമിഴ്‌നാടിനെയും ബന്ധിപ്പിച്ചുകൊണ്ടുള്ള പശ്ചിമഘട്ടത്തിലെ വിടവായ പാലക്കാട് ചുരത്തിനടുത്താണ് പാലക്കാട് പട്ടണത്തിന്റെ സ്ഥാനം.

കാലമെത്ര ഒഴുകി, കരുത്തു ചോരാതെ ഒഴുകിൽ മന !!

വരവൂർ ∙ തൃശൂർ–പാലക്കാട് ജില്ലാതിർത്തിയായ വിരുട്ടാണം ഒഴുവത്രയിൽ തലയെടുപ്പോടെ നിൽക്കുന്നു ഒഴുകിൽ മന. മഴയെത്ര തകർത്തടിച്ചു പൊയ്താലും ശക്തിയായ കാറ്റാഞ്ഞു വീശിയാലും ഒഴുകിൽ മനയുടെ ഓടുമേഞ്ഞ മേൽക്കൂരയിൽ ഒരു തുള്ളി ചോർച്ചയോ ഒരോടുപോലും സ്ഥാനം തെറ്റുകയോ ചെയ്യില്ലെന്നാണു പണ്ടു പറഞ്ഞിരുന്നത്.

പൗരാണിക തച്ചുശാസ്ത്ര വൈഭവത്തിന്റെ മകുടോദാഹരണമായ ‘അമ്പലത്തൂക്കം’ മാതൃകയിലാണത്രേ ഒഴുകിൽ മനയുടെ മേൽക്കൂര നിർമാണം. നാനാജാതി വൃക്ഷലതാദികൾ ഇടതിങ്ങി വളരുന്ന ആറരയേക്കർ പറമ്പിന്റെ നടുവിലാണ് മൂവായിരത്തിലധികം ചതുരശ്രയടി വിസ്തൃതിയുള്ള ഒഴുകിൽ മന.

ഇരുന്നൂറ്റൻപതോളം വർഷം പഴക്കമുള്ളതാണ് മൂന്നു നിലയിലുള്ള മന. വടക്കിനി, തെക്കിനി, കിഴക്കിനി, വിശാലമായ പൂമുഖം എന്നിവയ്ക്കു പുറമെ പത്തിലേറെ മുറികളും ഒട്ടേറെ ചെറിയ അറകളുമുണ്ട് മനയ്ക്കുള്ളിൽ. രാമൻ നമ്പൂതിരിപ്പാടും ഭാര്യ ലീല അന്തർജനവും മക്കളായ റിനോഷ് നമ്പൂതിരിപ്പാട്, ഭവദാസ് നമ്പൂതിരിപ്പാട് എന്നിവരും ഇവരുടെ കുടുംബാംഗങ്ങളുമാണ് മനയിലെ ഇപ്പോഴത്തെ താമസക്കാർ.

രാമൻ നമ്പൂതിരിയുടെ മുത്തച്ഛന്റെ അനുജൻ പരമേശ്വരൻ നമ്പൂതിരിപ്പാടാണ് മന നിർമിച്ചത്. പണ്ടുകാലത്ത് 10,000 പറ നെല്ല് പാട്ടവരവുണ്ടായിരുന്ന ഒഴുകിൽ മനയിൽ ഇന്ന് നെൽകൃഷി പാടെ ഒഴിവാക്കിയിരിക്കുന്നു. എട്ടുകെട്ടായിരുന്ന മന വർഷങ്ങൾക്കു മുൻപ് ഒരു ഭാഗം പൊളിച്ച് നാല് കെട്ടായി ചുരുക്കി.

ബാക്കിയുള്ള മന ഇപ്പോഴത്തെ താമസക്കാരായ രാമൻ നമ്പൂതിരിപ്പാടും കുടുംബവും വൃത്തിയോടും മനയുടെ പ്രൗഢി മങ്ങാതെയും കാത്തു പരിപാലിക്കുന്നു. വേദത്തിലും സംസ്കൃതത്തിലും അഗാധ പാണ്ഡിത്യം നേടിയവരായിരുന്നു മനയിലെ പൂർവികരെന്ന് രാമൻ നമ്പൂതിരിപ്പാട് ഓർക്കുന്നു. മനയോളം തന്നെ പഴക്കുമുള്ള കുളപ്പുരയും പത്തായപ്പുരയും മനപ്പറമ്പിലെ കൗതുക കാഴ്ചകളാണ്.സമീപക്ഷേത്രത്തിൽ എല്ലാ വർഷവും മീന മാസത്തിൽ നടക്കുന്ന തോൽപ്പാവക്കൂത്തിനെത്തുന്ന കലാകാരൻമാർ ഇന്നും സ്ഥിരമായി താമസിക്കുന്നത് മനയിലെ പത്തായപ്പുരയിലാണ്. ഒഴുവത്രയിലെ പുതുകുളങ്ങര ഭഗവതി ക്ഷേത്രത്തിന്റെ മൂലസ്ഥാനമായും ഒഴുകിൽമന അറിയപ്പെടുന്നു.

(courtesy:manorama)

ഒല്ലൂക്കര ∙ പെരുമ്പടപ്പ് മനയുടെ വടക്കിനിയിലെ അഗ്നിഹോത്രശാലയും അവിടെ കെട്ടുകളായി സൂക്ഷിച്ചിരിക്കുന്ന നൂറ്റാണ്ടുകൾ പഴക്കം വരുന്ന താളിയോലക്കെട്ടുകളും വിരൽചൂണ്ടുന്നതു മഹത്തായ ഒരു പൈതൃകത്തിലേക്കാണ്. ആ പൈതൃകമാണു പെരുമ്പടപ്പ് മനയുടെ പ്രൗഢി. അഗ്നിഹോത്രം നടത്തുന്നതിനുള്ള യജ്ഞാധികാരം കൈവശമുള്ള ചുരുക്കം ചില മനകളിൽ ഒന്നാണു പെരുമ്പടപ്പ് മന. അഗ്നിഹോത്രത്തിനുള്ള സകലവട്ടങ്ങളും പെരുമ്പടപ്പ് മനയിൽ തയാറാണ്. പലയിടങ്ങളിൽനിന്നു കൊണ്ടുവന്നിട്ടുളള വിശേഷപ്പെട്ട മണൽ ശേഖരിക്കുന്നതിനുള്ള പെട്ടി (ഈ മണൽ കൂട്ടി അരണി കടഞ്ഞാണു ഹോമകുണ്ഡത്തിൽ തീ ജ്വലിപ്പിക്കുന്നത്), ഹോമകുണ്ഡത്തിലേക്കു നേദിക്കാൻ ഉപയോഗിക്കുന്ന 'അഗ്നിഹോത്ര ഹവണി', മരവുരി എന്നിങ്ങനെ നീണ്ടുപോകുന്നു ഈ നിര.

ചേർപ്പിനു സമീപമുള്ള പെരുമനയിലെ പെരുമ്പടപ്പും ചേരിയിൽനിന്ന് ഒല്ലൂരിലെത്തിയതിനാൽ ഈ കുടുംബം പെരുമ്പടപ്പുകാർ എന്നറിയപ്പെട്ടു എന്നാണു കഥ. മുന്നൂറോളം വർഷത്തെ പഴമ കൈമുതലായുള്ള ഈ മന അപൂർവമായ 'ഓത്തുകൊട്ട്' യാഗത്തിനും വേദിയായിട്ടുണ്ട്. ക്ഷണിക്കപ്പെട്ട ആചാര്യൻ യജുർവേദം പല ഭാവത്തിൽ ചൊല്ലുമ്പോൾ കൂടെയുള്ളവർ അതേറ്റു ചൊല്ലുന്ന 'കൊട്ടിക്കൽ' ചടങ്ങാണ് ഓത്തുകൊട്ട്. ഏറ്റവും ഒടുവിലായി ഇവിടെ ഓത്തുകൊട്ട് നടത്തിയതു 1977ലാണ്.  മനയുടെ ഏറ്റവും മുകളിലെ നിലയിലെ കൊച്ചു കിളിവാതിലുകളിലൂടെ നോക്കിയാൽ പൂമുഖം കടന്നെത്തുന്ന സന്ദർശകരെ കാണാം. മനയുടെ മുകളിലത്തെ നിലയിലെ മറ്റൊരു വിസ്മയമാണു കുത്തഴി എന്നറിയപ്പെട്ടിരുന്ന വലിയ ജനൽപ്പാളികൾ. കിഴക്കും പടിഞ്ഞാറും ദർശനമുള്ള ഈ കുത്തഴികൾ മലർക്കെ തുറന്നാൽ മന ലക്ഷ്യമാക്കി വരുന്ന അക്രമികളെയും തസ്കര സംഘത്തെയും മറ്റും അകലെനിന്നേ കാണാൻ കഴിയുമെന്നാണു പറയുന്നത്.

അമ്മിക്കല്ല് കയറിൽകെട്ടി അടിച്ചാണത്രെ കവർച്ചക്കാർ പെരുമ്പടപ്പ് മനയുടെ കവാടങ്ങൾ‌ തകർക്കാൻ ശ്രമിച്ചിരുന്നത്! എങ്കിൽപ്പോലും നിരാശയായിരുന്നു ഫലം. ഇനി വല്ലവിധേനയും ഒരു വാതിൽ തകർത്തു എന്നു തന്നെയിരിക്കട്ടെ, വീണ്ടും ഉണ്ട് വാതിലുകളുടെ നീണ്ട നിര! ഇതോടെ കവർച്ചാസംഘങ്ങൾ ഒട്ടുമുക്കാലും പിൻവാങ്ങും. അതാണു പെരുമ്പടപ്പ് മനയിലെ സുരക്ഷിതത്വം.

തെക്കിനിയിൽ പഴയ ഓലക്കുടകൾക്കും തടികൊണ്ടു നിർമിച്ച കരകൗശല വസ്തുക്കൾക്കുമൊപ്പം വലിയ മൂന്നു ചീന ഭരണികളും സ്ഥാനം പിടിച്ചിട്ടുണ്ട്. നടുമുറ്റത്ത് ആരാധനാരൂപമായ മുല്ല ഭഗവതിയെ കാണാം. ശാസ്താവാണു പ്രധാന ഉപാസനാമൂർത്തി. അമ്പും വില്ലുമേന്തിയ ശാസ്താവിനെ വിദ്യയുടെ അധിപനായി കരുതിയാണു പൂജിക്കുന്നത്. ശാസ്താവിനൊപ്പം 'സന്താനഗോപാലം' എന്ന കൃഷ്ണന്റെ രൂപത്തെയും ഉപാസിക്കുന്നുണ്ട്.

മുൻപു പന്ത്രണ്ടുകെട്ടായിരുന്ന മനയുടെ കിഴക്കുഭാഗത്തെ കെട്ട് പൊളിച്ചു നീക്കിയിട്ടു 70 വർഷത്തോളമായി. വടക്കുഭാഗത്തെ കെട്ടും നെല്ലറകളും പൊളിച്ചതു 1968ലാണ്. നിലവിൽ നാലുകെട്ടാണു പെരുമ്പടപ്പ് മന. ശങ്കരനാരായണൻ അടിതിരി, ഭാര്യ ദേവകി പത്തനാടി, സഹോദരനായ ഋഷികേശൻ സോമയാജി, ഭാര്യ ശ്രീദേവി പത്തനാടി എന്നിവരാണു മനയിൽ താമസം. ഋശികേശൻ സോമയാജി പത്തനംതിട്ട ജില്ലയിലെ ഇളംകൊല്ലൂർ ശിവക്ഷേത്രത്തിൽ കഴിഞ്ഞ വർഷം 'സോമയാഗം' നടത്തിയിരുന്നു.

പെരുമ്പടപ്പ് മനയുടെ പ്രത്യേകതകൾ

∙ മുന്നൂറോളം ഗ്രന്ഥങ്ങളടങ്ങിയ താളിയോല ശേഖരം.

∙ വടക്കിനിയിലെ അഗ്നിഹോത്രശാല.

∙ ഓത്തുകൊട്ട് യാഗത്തിനു വേദിയായിട്ടുണ്ട്.

(courtesy: manorama)