കിളിമാനൂർ കൊട്ടാരവും, രവി വർമ്മ ആര്ട്ട് ഗ്യാലറിയും !!

കിളിമാനൂർ കൊട്ടാരം സ്ഥിതി ചെയ്യുന്നത് തിരുവനന്തപുരം ജില്ലയിലാണ്. ഈ കൊട്ടാരത്തിലാണ് ചിത്രകാരൻ രാജാ രവി വർമ്മയും രാഘവ വർമ്മയും (മാർത്താണ്ഡ വർമ്മ രാജാവിന്റെ പിതാവ്) ജനിച്ചത്. മുന്നൂറു വർഷത്തിലേറെ ചരിത്രമുണ്ട് ഈ കൊട്ടാരത്തിന്. ഇന്ന് കാണുന്ന രീതിയിൽ ഇവിടുത്തെ കെട്ടിടങ്ങൾ പണിതത് 1753 ലാണ്.

കൊട്ടാരസമുച്ചയം 6 ഹെക്ടറിലായി പരന്ന് കിടക്കുന്നു. കേരളത്തിന്റെ തനത്‌ വാസ്തുവിദ്യയിലാണ് മിക്ക കെട്ടിടങ്ങളും. തിരുവിതാംകൂർ രാജകുടുംബവുമായി ബന്ധമുള്ള കുടുംബാംഗങ്ങൾ ഇപ്പോഴും ഇവിടെ താമസിച്ചു വരുന്നു.